O klask ostilhoù digoust evit lakaat brezhoneg en hoc’h embregerezh ? Aze emañ !
Savet hon eus ul lec’hienn internet evit renabliñ an embregerezhioù a ra gant ar brezhoneg.
Un ostilh evit kavout embregerezhioù ha stalioù hag a ginnig servijoù e brezhoneg, kement hag evit lakaat war wel intruduoù an dud a-vicher evit ar yezh. Digoust eo an enskrivañ.
Urzhiit ur pegsun Stal.bzh hag a ziskouezo d’ho pratikoù ho engouestl evit ar brezhoneg.
Brezhoneg – Galleg – Saozneg
Meur a bourchas e kinnigomp :
Skritell, follenn-nij, roll-pred, panell titouroù…
Lec’hienn internet, katalog…
Koumanantit a-hed ar bloaz evit kaout troidigezhoù berr war ar prim, hervez hoc’h ezhommoù. Ur benveg a-feson evit ho kehentiñ divyezhek war ar rouedadoù sokial…
Ur blankenn pegsunioù divyezhek evit hoc’h embregerezh amañ.
Reiñ alioù deoc’h, ijinañ, sevel… gant ur sell arbennik war plas ar yezhoù.
Galloud a reomp ho skoazell d’ober ho panellerezh, ur skritell, ur plegfollen, ur packad divyezhek.
Ur mekanik badj zo ganeomp ! Kinnig a reomp deoc’h badjoù rond 56mm graet e Gwened. Galloud a reomp implij ur skeudenn kaset ganeoc’h pe krouiñ ar skeudenn war hoc’h evezhiadennoù (hag e brezhoneg neuze) !
E-touez izili ar gevredigezh e vez tud a-vicher war ar video hag a c’hell ober roll-anvioù divyezhek, istitloù, filmoùigoù bevaat evit tutorial brezhoneg-galleg da skouer.
Skoazell a reomp ac’hanoc’h evit dibab ul lugan e brezhoneg, anvioù produioù, un anv merk…