Hiziv an deiz ‘vez kavet ouzhpenn 500 stal war al lec’hienn hag an arload Stal.bzh.

Ezhomm hon eus eus ar stalioù-mañ evit ma chomo ar brezhoneg ur yezh implijet er vuhez pemdez. Hag ezhomm o deus an embregerezhioù-se pratikoù evit padout. Asambles hon eus ar galloud da adlec’helaat an ekonomiezh ha reiñ ur ster en-dro dezhi.

Tizhet eo bet ganeomp hor pal enrollañ 500 aozadur war stal.bzh ha kroget ez eus bet ul labour nevez ganeomp : sevel binviji evit ar re a-vicher o deus c’hoant da vrezhonekaat o stal.

Skoazellet e vez eil pazenn ar raktres Stal.bzh gant Ar Redadeg.

M’ho peus c’hoant c’hwi ivez skoazellañ ac’hanomp da gas a-benn ar raktres e c’helloc’h ober ur prof deomp en ur lakaat ho tailhoù da zigreskiñ. Tu zo deoc’h ivez mont da brenañ ur c’hm Redadeg 2020 (hag a vo redet e 2021! ).