Ur yezh evit ar pemdez eo ar brezhoneg. Krouet hon eus STAL.BZH gant ar soñj en deus ar brezhoneg e blas e bed an ekonomiezh.
War ar bajenn-mañ e kinnigomp deoc’h ostilhoù e brezhoneg evit an embregerezhioù. E-touez an ostilhoù-mañ e kavoc’h danvez, alioù, darempredoù ha skouerioù da bellgargañ digoust evit ho skoazellañ da reiñ ur plas d’ar brezhoneg en hoc’h embregerezh.
PAKADUREZH DIVYEZHEK
Kavit amañ alioù ha darempredoù evit krouiñ pakadurezhoù divyezhek evit ho produoù.
ROLL-PRED DIVYEZHEK
Kavit amañ penaos pediñ ar brezhoneg en ho preti hag ur skouer roll-meuzioù teiryezhek galleg brezhoneg ha saozneg.
ANV PRODU
Roit un ene ouzhpenn d’ho produ gant un anv e brezhoneg. Heuliit hon alioù pe kavit un den a-vicher evit dibab un anv dibaro klikañ amañ.
AR STURLEVR KLOK
Hor sturlevr gant alioù ha skouerioù pleustrek evit empennañ skorioù kehentiñ divyezhek.
BREZHONEG WAR AR ROUEDADOÙ
Penaos ober gant ar brezhoneg war ar rouedadoù sokial ? Hor fichenn alioù ‘zo da gavout amañ.
LAKAAT MA ENGOUESTL EVIT YEZH AR VRO WAR WEL
Engouestlet eo ho stal evit ar brezhoneg ?
Urzhit ur pegsun evit kelaouiñ ho pratikoù.
Kaset e vo deoc’h digoust.
PANELLEREZH DIVYEZHEK
Ouzh ar rakstal, war ar parklec’h, e-barzh ar stal pe er burevioù…
N’eo ket diaes lakaat e plas ur panellerezh divyezhek. Kavit amañ hor fichenn alioù ha pegsunioù talvoudus evit brezhonekaat ho purevioù.
LEC’HIENN INTERNET DIVYEZHEK
Kavit amañ hon alioù evit lakaat e plas ul lec’hienn divyezhek pe liesyezhek.
Soñjit en astenn .bzh
KOMBOD BRUDEREZH DIVYEZHEK
Skritelloù er straed, follennoù-nij e ti an douristed, ur c’hombod en ur gazetenn…
Penaos ha perak kehentiñ e brezhoneg ? Titouroù da gavout amañ.
PEDADENNOÙ DIVYEZHEK
Pedadennoù divyezhek a zo aes da lakaat e plas ha sachañ a raio evezh ho pratikoù.
BREZHONEG EM LIZHIRI & POSTELOÙ
Sinadur, geriennoù sevended, talbenn pe traoñ pajenn…
N’eo ket diaes pediñ ar brezhoneg e-barzh ho lizhiri.
RAKPRIZOÙ & FAKTURENNOÙ DIVYEZHEK
Ho chomlec’h e div yezh, un nebeud mennegoù ouzhpenn…
N’eus ket netra aesoc’h ! Sellit amañ ouzh ur skouer digoust.
KARTENNOÙ GWELADENNIÑ & FEALDED
Sachit evezh ho tarempredoù gant ur gartenn-vizit divyezhek.
Ha perak pas ur gartenn-fealded divyezhek ? Kavit ur skouer amañ.
RESPONTER / STANDARD
Ho kemennadenn responter pe ho standard pellgomzer e brezhoneg.
PENAOS OBER ?
POSTELEREZH PRIM & LIZHER-KELAOUIÑ GANT TREEBAL
Anavezout a reoc’h Treebal ? Klikit amañ evit gouzout hiroc’h war ar postelerezh prim hag an ostilh fun-keleier-mañ. Ekologel eo hag e brezhoneg ouzhpenn !
TALVOUDEKAAT BARREGEZHIOÙ MA GOPRIDI
N’eo ket aes gouzout peseurt yezhoù ‘vez komzet gant an dud.
Kavit amañ un nebeud alioù evit lakaat war wel e vez komzet brezhoneg en hoc’h embregerezh.
STUMMAÑ MA GOPRIDI
Stummadurioù hir, stummadurioù berr, kentelioù da greisteiz a-hed ar bloaz…
TUTAÑ UR BREZHONEGER.EZ
Embann ur c’hinnig post war Labourzo.org pe c’hoazh mont e darempred gant servij heñchañ Stumdi e c’helloc’h ober !
SKOAZELL AR YEZH GANT MA GOPRIDI
Kreñvoc’h e vo al liammoù etre ho kenlabourerien.ezed ma vez kinniget dezho un abeg a-stroll.
Ha perak pas stourm evit ar brezhoneg ? Hon arguzennoù amañ !
Savet hon eus ul lec’hienn internet evit renabliñ an embregerezhioù a ra gant ar brezhoneg.
Un ostilh evit kavout embregerezhioù ha stalioù hag a ginnig servijoù e brezhoneg, kement hag evit lakaat war wel intruduoù an dud a-vicher evit ar yezh. Digoust eo an enskrivañ.
Brezhoneger.ez oc’h ha merour.ez ur stal ? Brezhonegerien.ezed a zo e-touez ho kopridi ? Panellerezh divyezhek pe ul lec’hienn divyezhek ho peus lakaet e plas evit brudañ ho stal ? Kemer a reoc’h perzh er Redadeg pe skoazell a reoc’h en un doare all ar brezhoneg e anv ho stal ? Lakait anv hoc’h embregerezh war Stal.bzh !
Urzhiit ur pegsun Stal.bzh hag a ziskouezo d’ho pratikoù hoc’h engouestl evit ar brezhoneg.
Sellit amañ ouzh respont Malo Bouessel du Bourg, rener Produet e Breizh, ouzh mikro Mignoned ar Brezhoneg (atersadenn e galleg).
Krouet eo bet gant Mignoned ar Brezhoneg an holl ostilhoù, fichenn-alioù hag ar sturlevr pleustrek diwar-benn ar c’hehentiñ divyezhek. Gallout a reoc’h kemer harp outo pe mont e darempred ganeomp ma fell deoc’h bezañ skoazellet.
Koumanantit d’hol lizher-kelaouiñ ma fell deoc’h resevout an ostilhoù nevez kerkent ha krouet !
Trugarez d’hor c’hevelerien hag o deus labouret asambles ganeomp evit krouiñ ar voest ostilhoù :
