Skoazeller-ez kenurzhiañ

Emañ ar gevredigezh Mignoned ar Brezhoneg o klask ur skoazeller.ez kenurzhiañ (kevrat didermen leun-amzer) evit skoazell ar c’hopridi all (kargad.ez a gehentiñ, kenurzhierez Gouel Broadel ar Brezhoneg (GBB) hag An Taol-Lañs) war o raktres ha sevel  implij-amzer an dud a-youl vat evit GBB. 

Ur gevredigezh lezenn 1901 eo Mignoned ar Brezhoneg. Kontañ a ra 228 den a-youl vat, ur c’huzul merañ gant 8 den a-youl vat hag ur skipailh gopridi gant tri fost labour leun amzer mui  astalerien (“intermittents”)  e-pad GBB.

Aozet e vez bep bloaz Gouel Broadel ar Brezhoneg hag al leurenn-lañs “An Taol-Lañs”, e vez ur c’houlzad kehentiñ evit ar skolioù brezhonek bep bloaz Ul lec’hienn internet hag ur voest ostilhoù enlinenn anvet Stal.bzh a vez meret gant ar gevredigezh. Pal Stal.bzh eo lakaat ar vrezhonegerien e liamm gant embregerezhioù hag o deus un engouestl evit ar brezhoneg, lakaat war wel an embregerezhioù-se ha reiñ mennozhioù dezho evit mont pelloc’h gant ar yezh. Un arload a vo diorroet e 2025. 

Ur boutik enlinenn a zo meret gant ar gevredigezh gant produioù savet gant Mignoned ar Brezhoneg ha produioù savet gant kevredigezhioù all.

Kinnig a ra Mignoned ar Brezhoneg pourchasoù da gevredigezhioù all pe da embregerezhioù ivez (treiñ, abadennoù tañva d’ar brezhoneg…)

DESKRIVADUR AR POST

Skoazellañ ar c’hopridi all (kargad.ez a gehentiñ, kenurzhierez Gouel Broadel ar Brezhoneg (GBB) hag An Taol-Lañs) war o raktres ha sevel  implij-amzer an dud a-youl vat evit GBB. Merañ teulioù melestradurel liammet gant ar c’hoskor ha buhez ar gevredigezh. Kinnig ha buheziñ abadennoù tañva d’ar brezhoneg war gouelioù all. 

KEFRIDIOÙ :

E-touez palioù ar gefridi ha gant skoazell ar skipailh goprdi hag an izili, ho ‘po d’ober war-dro : 

• Skoazellañ ar genurzhierez Gouel Broadel ar Brezhoneg / An Taol-Lañs ha sevel implij amzer ar re a youl vat evit ar gouel
• Skoazellañ  ar c’hargad a gehentiñ  evit skignañ skorioù kehentiñ
• Merañ teulioù melestradurel (teulioù yalc’hadoù..)
• Ober war-dro kontouriezh ar gevredigezh e liamm gant ar c’habined kontouriezh
• Ober war-dro urzhioù ha mont en-dro ar boutik enlinenn
• Ober mont en-dro  lec’hienn stal.bzh
• Kinnig pourchasoù

Gopr : emglev a-stroll ar buheziñ (ECLAT) , strollad C ( kenefeder 285  , da lavaret eo :   2 022  € kriz / miz)

Deiziad diwezhañ evit kinnig e/he emstrivadur  : 21/02

Muioc’h a ditouroù : 06 24 13 48 98 pe contact@mignoned.bzh