O tostaat emañ an dilennadegoù kannad. Seblant emañ splann reer ervat ez eo ivez dre al lezenn e c’hello emdreiñ gwirioù ar yezhoù minorelaet, da lavaret eo dre labour ar gannaded a vo dilennet a-raok pell. Aozet e vo un daol grenn diwar-benn an doare da bouezañ war labour ar gannaded evit kas hor yezh war-raok war dachenn al lezenn pe ar reolennoù : peseurt strategiezh ? peseurt palioù ? Peseurt dazont evit al lezenn nevez votet pa n’eo ket bet studiet gant ar Sened ? 

Herve Bihan ha Ronan ar C’hoadig, eus skol-veur Roazhon 2, a zegaso ur banne sklêrijenn e korf ar c’hendiviz-mañ.

Digoret e vo an eskemmoù gant Yann choucq bet breutaer n’eus ket pell zo c’hoazh e breutaouriezh Naoned. Kinnig a ray ur sell war an holl labourioù, danavelloù, raktresoù lezennoù bet kaset abaoe karta sevenadurel Valery Giscard D’Estaing e 1977 en ur genveriañ an traoù gant stad an traoù en Europa.

Lusket e vo ar c’hendiviz gant Tudi Kreker, kazetenner a-vicher e France Bleu Breizh Izel, ha brezhoneger anezhañ.

Jubennourien ha dafar a vo war al lec’h evit reiñ tro d’an dud na ouiont ket brezhoneg da heuliañ an eskemmoù ha da gemer perzh zoken. Troet e vo an eskemmoù e yezh ar sinoù ivez.

Pedet eo bet ivez dileuridi eus ar strolladoù en em ginnig evit dilennadegoù ar gannaded e Breizh.

D’ar sadorn 19 a viz Mae e mediaoueg Langoned eus 5e30 da 7e noz.