Koulzad kehentiñ skolioù divyezhek 2022

Pa vin bras, e vin divyezhek!

Gant ar pal lakaat war-wel ar skolioù hag a ginnig un deskadurezh e brezhoneg eo bet roet lañs adarre d’ar c’houlzad brudañ “Pa vin bras e vin divyezhek” gant ar gevredigezh “Mignoned ar brezhoneg” ha gant Ofis publik ar brezhoneg.

Emañ an teir rouedad kelenn brezhoneg er c’hentañ derez a-unan er c’houlzad kehentiñ-mañ : ar rouedad deskadurezh publik gant kevredigezh kerent skolidi an hentadoù divyezhek publik (Div Yezh), ar rouedad katolik gant PAKEK Breizh ha kevredigezh kerent an hentad divyezhek katolik (Divaskell) hag ivez rouedad ar skolioù Diwan. Skoazellet eo ivez ar c’houlzad-mañ gant Rannvro Breizh, Kelennomp ! (kevredigezh ar re a gelenn e / ar brezhoneg) ha gant Kevre Breizh (kenurzhierezh kevredigezhioù sevenadurel Breizh).

War al lec’hienn ecole.bzh, ez eus ur gartenn niverel savet get an OPAB, o niveriñ muioc’h eget 300 skol-vamm divyezhek. Kavet e vo ivez deiziataer an dorioù-digor aozet gant ar skolioù. Gallout a reoc’h heuliañ ar c’houlzad war ar rouedadoù sokial ivez : twitter, facebook instagram ha youtube.