An Taol-Lañs 2019 : digor eo an enskrivadurioù
Digor eo enskrivadurioù an Taol-Lañs 2019 !
D’ar gwener 7 a viz Even e Langoned e vo an Taol-Lañs ar bloaz-mañ. Ur fest vras a roio an ton d’ar sonerezh a-vremañ kanet e brezhoneg e vo. Kement all a vo evit digeriñ Gouel Broadel ar Brezhoneg (7-8-9 a viz Even 2019).
Digor eo an enskrivadurioù evit ar strolladoù sonerezh a-vremañ o deus c’hoant lakaat o anv. Betek an 20 a viz Mae o deus an arzourien evit kas o fichenn enskrivañ (contact@mignoned.bzh). Nevezenti zo ar bloaz-mañ, 2 rummad a vo : ar re “amatour” hag ar ra “a-vicher”. Da bep strollad da zibab ‘barzh peseurt rummad en deus c’hoant koñkouriñ.
Aes eo ar c’hondisionnoù evit lakaat e anv : ret eo d’an arzour pe d’ar strollad kinnig sonerezh a-vremañ gant pozioù krouet ha brezhoneg.
Troiad sonnadegoù profet d’an drec’hourien :
3 devezh pleustriñ en ur studio micherel hag un devezh enrolladenn un EP 3 don masterizet a zo da c’hounit evit ar rummad “amatour” (hañv 2019). Ambrouget e vo ar strollad gant kevredigezh Mignoned ar Brezhoneg e-pad bloaz. Un droiad sonnadegoù ‘vo aozet ivez gant gouelioù keveler : 5 deiziad asuret ha difrejet (hent ha boued) !!
- Gant Sked, Gouel ar sonerezh e Brest (21/06/2019)
- Gant ti ar Vro Gwengamp : Sant-Loup Off (07/2019)
- Gant Yezhoù ha sevenadur e Naoned (diskar amzer 2019)
- Festival Intergalactique Brest (10/2019)
- Gouel Broadel ar Brezhoneg (06/2021)
- Ha lod all a vo sur …
Da drec’hour ar rummad “a-vicher” e vo profet un droiad sonnadegoù gopret dre ar Guso evit an darn vrasañ anezhe, war leurennoù brudet-tre :
- Gouel Broadel ar Brezhoneg (difrejet hervez ur barem : 08/06/2019)
- Festival Deus’ta e Brest (gopret, 10/2019)
- Yaouank Bistro (difrejet : 11/2019)
- Nevez-amzer ar sonerien e Brest (gopret, 04/2020)
- Degouezh ar Redadeg e Gwengamp (gopret, 05/2020)
- Gouel Broadel ar Brezhoneg 2021 (gopret) !