Ar brezhoneg zo ur yezh binvidig skeudennet ha c’hoari gerioù. Gallout a rit kavout an awen e-barzh ur c’heriaoueg pe ar geriadur, c’hoari gant ar yezhoù, meskañ anezho, kavout ur ger e brezhoneg treuzwelus evit ar re na gomz ket hor yezh pe, kontrol mik, un tamm “eksotek” evito.
Un anv e brezhoneg :
Kavout a rit amañ-dindan ur fichenn-alioù stumm PDF. Henchañ a raio ac’hanoc’h evit kavout un anv brezhoneg dibar evit ho produ.
Hor benveg muiañ karet : Geriafurch !
Savet eo bet an ostilh burzhudus-mañ gant Anthony Lannuzel, e-pad e stummadur gant Stumdi, evit kavout buanoc’h troidigezhoù o klask e meur a c’heriadur war un dro. Aes eo da implijout war ur poellgomzer ivez.
Setu roll ar geriadurioù kinniget gant Geriafurch:
Talvoudus ha liesseurt eo geriaouegi an Ofis : dilhad, boued, c’hoarioù, dudi, otoioù… Sur e vo kavet an awen ganeoc’h e-barzh unan !
Kavit war Stal.bzh darempredoù an ajañsoù kehentiñ barrek war ar brezhoneg. Kinniget e vo ganto un anv dibar, difazi hag aes da lenn ha da skrivañ evit ar re na gomzont ket brezhoneg.
Gallout a reomp reiñ alioù deoc’h evit brezhonekaat hoc’h embregerezh hervez ho c’hoant, hoc’h ezhommoù hag ho pudjed.